11
февраль
2022
«Жылы жүрек, жомарт қол» атты қайырымдылық концерт
10 ақпан 2022 жылы Есболған Жайсаңбаев атындағы орта мектебінде «Жылы жүрек, жомарт қол» атты қайырымдылық концерті өтті. Қайырымдылық концертінің мақсаты: осы уақытқа дейін қайырымдылық пен адамгершілікті биік ұстап, кісілікті ту етіп, көкірегі қаяулы, жаны жаралы жанның жасын сүртіп, жылы лебізін аямай, қолдан келген жәрдемін ұсынып, достық пейілдерін танытып жүрген демеушілерімізге алғысымызды білдіру болды. Атап айтсақ, жақсылықты ақ жүрекпен қабылдап, көмекке мұқтаж жандарға асқақ арман мен үлкен өмір бастауы бола білген, отбасыларға болашақтың үмітін жағып, баланың жүзіне күлкі сыйлап, көмек қолын созып жүрген мектебіміздің ұжымына, «Батыл» тойханасы, Бармаков Сабит ағамыз, «Тамшыбұлақ» қоры, «Мөлдір» тойханасы, «Ардақ» дүкені, мектебіміздің түлегі Сергазин Даурен, Қорабаева Назира және де Әділ Серікбол, Ақылбек Тасқын, Нұрбақыт Жайнар бастаған ауылымыздың жастарына ШЫН ЖҮРЕКТЕН АЛҒЫСЫМЫЗДЫ БІЛДІРЕМІЗ!