«Қамқор ана, қайырымды бала, мейірімді қоғам»

30.01.2020 жылы мектебімізде 2020 жыл Қаңтар-мамыр аралығында өтетін «Қазақстан – мейірімділік мекені» - «Казахстан – территория доброты» республикалық балалар бастамасы негізінде «Қамқор ана, қайырымды бала, мейірімді қоғам» қайырымдылық акциясы ұйымдастырылды. Акцияның мақсаты жас ұрпақтың бойына адамгершілік, ізгілік, қамқорлық, қайырымдылық сияқты асыл қасиеттерді дарыту болып табылады. Іс –шара басында мектеп директоры К.Сыдыковаға сөз берілді. Бұл іс-шара Қамқоршылық кеңесі төрағасы Дуйсебеков Садыхан, мүшелері Мұқатаев Асқар, Нәсілбек Әділнұр, Бұланбаева Қамарбанудың бастамасымен жасалынып, мектеп оқушылары мен мектеп әкімшілігі ата-аналар мен ұстаздарға арнап шағын концерттік бағдарлама ұйымдастырды. Сондай-ақ қайырымдылық акциясына мектебімізге үнемі демеуші болып, қолдап жүретін демеушілер ауыл кәсіпкері Қорабаева Назира, ауыл депутаты Бармаков Сабит, Қапал ауылдық мешітінің бас имамы қонақ ретінде шақырылды.

Концерт барасында оқушылар өлең айтып, би билеп, Ұлы дала ұрпағы Республикалық байқауында бас жүлдені ұтып алып, Дарынды шәкірт төсбелгісімен марапатталған және Өзбекстан Республикасына жолдама алған шәкірттеріміз Байқожа Ерасыл мен Байқожа Нұрасыл өнерлерін көрсетті.

Қамқорлық – көмек қажет ететін жандарға білдірілетін сүйіспеншілік пен көмек. Бұл ізгіліктің белгісі. Қамқорлық жасаушы адамның жүрегі кең, пейілі таза болады. Қамқорлық адамның өзгелерге деген ыстық ықыласын білдіреді. Әрдайым бір-бірімізге көмектесіп, көмекке мұқтаж жандарға қол ұшын соза білейк деген мақсатпен, «Мейірімділік алақан» жәшігі қойылды.

Акцияға келіп қатысқан қонақтар мен ата-аналарға арнап оқушылар қолымен жасалынған бұйымдардан және кітап көрмесі жасалынып, қойылды.

Концерт соңында Директордың тәрбие жұмысы жөніндегі орынбасары С.Темирханова жиналыс жасап, күн тәртібіндегі мәселелерді таныстырып, талдап өтті. Мектеп медбикесі Г.Есимбекова қазіргі күні үлкен проблемаға айналып отырған коронавирус туралы баяндамасын оқып, оның белгілерін және алдын алу жолдарын айтып өтті.