«Ел қорғау – ерлік пен намыс жолы» тақырыбында қорғаныс істері жөніндегі қызметкерлермен кездесу (8-11 сынып)

Құрметті оқырмандар, ауылымыздың жаңалықтарымен бөлісуді жалғастырамыз!
Бүгін Е.Жайсаңбаев атындағы орта мектепте Қазселденқорғау мамандарының, Қапал ауылдық округінде орналасқан өрт сөндіру бөлімінің қызметкерлерінің және Қапал ауылдық округі әкімі аппаратының мамандарының қатысуымен жылы әрі мазмұнды семинар өтті.
🎓 Семинардың басты мақсаты – оқушыларға төтенше жағдайлардың алдын алу жолдарын түсіндіру, олардың қауіпсіздігін қамтамасыз ету.
❄️ Қыс мезгілі жақындағандықтан, мамандар балаларға суық кезеңдегі қауіпсіздік ережелерін жан-жақты түсіндірді.
🔌 Смартфондар мен басқа да құрылғыларды дұрыс зарядтау, тоқ көздерін пайдалану кезінде сақтық шаралары айтылды.
🚫 Әкімшілік мамандары кәмелетке толмағандардың түнгі уақытта көшеде жүрмеуін, көлік пен мото басқаруға жол берілмейтінін ерекше атап өтті.
🚶‍♂️🚗 Сондай-ақ жолдан өту ережелері, жаяу жүргіншілер қауіпсіздігі туралы да маңызды ақпарат берілді.
📚 Оқушыларға арнайы дайындалған ақпараттық парақшалар таратылып, әрбір бала өзімен бірге пайдалы мәлімет ала кетті.
Бұл шара – болашақ ұрпақтың қауіпсіздігі үшін атқарылып жатқан жүйелі жұмыстың бір бөлігі. Бүгінгі кездесудің жылы атмосферасы, ашық әңгімесі және жанашырлықпен айтылған кеңестері балалардың есінде ұзақ сақталары сөзсіз.
🤝 Қауіпсіздік – бәріміздің ортақ жауапкершілігіміз.
Балақайларымыз аман, ауылымыз тыныш болсын! ❤