«Бұрымды қыз – 2025»

31 қазан күні Қапал ауылдық округінің Мәдениет үйінде шын мәнінде жылы, шуақты әрі шабытқа толы «Бұрымды қыз – 2025» байқауы өтті Бұл күні зал күлкіге, сұлулыққа, ізгілікке және шынайы сезімдерге толды. Себебі сахнаға ең әдемі, талантты және нұрлы қыздар — Е.Жайсаңбаев, Ғ.Орманов атындағы мектептердің оқушылары мен Қапал кәсіптік-техникалық колледжінің студенттері шықты.
Байқаудың әр кезеңі — жүректен шыққан мереке іспетті болды: сәлемдесу, өнер көрсету, қазылар сұрақтарына жауап беру, үй тапсырмасы мен сән көрсетілімі — бәрі бір-бірімен үйлесіп, көрермендердің жүрегін жылытып өтті.
Әсіресе әр қатысушының өз бейнесін сүйіспеншілікпен, шабытпен көрсеткен сәттері ерекше әсер қалдырды. Себебі әрбірі өз жүрегінің жылуын сахнаға алып шықты.
Байқау нәтижесінде барлық қатысушылар түрлі номинациялар бойынша жеңімпаз атанды. Өйткені бастысы — атақ емес, өз-өзіне деген сенім, қолдау, жылы сөз және көздегі жарқыл.
[media=