ББЖМ

«Есболған Жайсаңбаев атындағы  орта  мектебі» коммуналдық мемлекеттік мекемесінде  білім  алушылардың  білім  жетістіктерінің  мониторингі жүргізіледі.
Директордың оқу жұмысы жөніндегі орынбасары Г.Сарканбайкызы   12 сәуір күні  4 «Б» , 9 «А» сынып оқушыларының ата-аналарына  білім  алушылардың  білім  жетістіктерінің  мониторингі туралы түсіндірме жұмыстары жүргізілді. 2023 жылдың 24 сәуірінен 12 мамыр аралығында       4-9 сынып оқушылары арасында білім жетістіктерінің мониторингі (ББЖМ) өтеді. Оқу сауаттылығы, математикалық сауаттылық  және жаратылыстану бағыттары бойынша  40 оқушымыз тест тапсырады.
ББЖМ мақсаты:
- бастауыш және негізгі орта білім беру деңгейінде - сәйкес білім беру
деңгейінің жаңартылған МЖБС шеңберінде білім алушылардың білім сапасын бағалау;
-  ТжКББ деңгейінде - жалпы білім беретін пәндерді және (немесе) кәсіптік модульдерді немесе жалпы кәсіптік, арнайы пәндерді мемлекеттік жалпыға міндетті ТжКББ стандартына сәйкес меңгеру деңгейін анықтау
ББЖМ  4 – сыныптарда кешенді тестілеу нысанында ақпараттық – коммуникациялық технологияларды (бұдан әрі АКТ) қолдана отырып, оқыту тілінде үш бағыт: оқу сауаттылығы, математикалық сауаттылық, жаратылыстану – ғылыми сауаттылық бойынша жүргізіледі.
ББЖМ  9 – сыныптарда кешенді тестілеу  нысанында АКТ қолдана отырып, үш бағыт: математикалық сауаттылық, жаратылыстану – ғылыми сауаттылық, оқу сауаттылығы ( орыс, қазақ және ағылшын тілдерінде мәтіндер) бойынша жүргізіледі.
ББЖМ өткізу:  мектептерде 4 және 9-сынып оқушыларының функционалдық сауаттылық деңгейін анықтауға, яғни білім мен дағдыларын күнделікті өмірде қолдануға, сонымен қатар аналитикалық, логикалық ойлауды дамытуға бағытталатын болады;
@aksu_bilim_bolimi20