Мақала "Жетекші мектептің тәжірибесін тарату"
2019 жылдың желтоқсан айында Ақсу ауданы, Қапал ауылы, Е.Жайсаңбаев атындағы орта мектеп базасында ашық есік күн ұйымдастырылып, өткізілді.
Ашық есік күнінің мақсаты: тіректес мектептермен тәжірибе алмасу.
Аталған іс-шараға Ғ.Орманов атындағы орта мектебі, Көшкентал орта мектебі, Б.Сырттанов атындағы орта мектебі, Ю.Гагарин атындағы орта мектебі, М.Маметова атындағы орта мектебінің мұғалімдері қатысты.
Мектептегі директордың орынбасарларының жұмысынан көрме ұйымдастырылып , келген мамандарға тәжірибесімен таныстырды.
Тәжірибе алмасу алаңында бастауыш сынып мұғалімі К.Ахметова әдебиеттік оқу пәні бойынша «Сәулетті біздің Алматы» тақырыбында сабақ көрсетті. География пәні мұғалімі Р.Ховдаш 8 сыныбында «Құрлық суларының экологиялық проблемалары» тақырыбында сабақ көрсетті. Дене шынықтыру пәні Б.ИзMayлов «Допты астынан қабылдау» тақырыбында сабақ көрсетті. Физика пәні мұғалімі Р.Керейбаева физика зертханасында оқушылармен жұмыс жүргізді.
Ашық есік күнінің соңында сабақтар талданып, мектеп әкімшілігі рефлексия өткізіп, қорытынды жұмыстар жүргізілді, ұсыныстар қабылданды.
Ұсыныстар мен пікір алмасу нәтижесінде осындай аймақтық ашық есік күндерін ұйымдастыру мұғалімдер үшін тиімді, жас мамандарға әдістемелік көмек көрсетуге ықпалы мол екені айтылды.
Ашық есік күні өз дәрежесінде өтті.
Р.Байгалиева
Директордың әдістеме жұмысы жөніндегі орынбасары
Е.Жайсаңбаев атындағы орта мектебі